Open enrollment 14 secondary schools-Green Hmong

Green Hmong
EGUSD muab qhib sau npe kawm ntawm rau 14 lub tsev kawm ntawv
Lub Ib Hli ntuj nub tim 20, 2015, Elk Grove Unified School District Cov tsaavxwm Saib Rua kev Kawm Ntawv tau pum zoo
tso cai rua cov tuabneeg ua haujlwm kuas pib txais kev sau npe rua cov kws xaav nyaib chaw moog kawm rua xyaa lub
(middle school) hab xyaa lub (high school) rua xyoo 2015-2016. Cov ntaub ntawv sau npe kawm ntawv nuav muaj nyob
rua huv District lub website hab muaj nyob rua tom EGUSD cov tsev kawm ntawv.
Cov ntaub ntawv sau npe (thov nyaib chaw) kawm ntawv rua cov tub ntxhais kws taamsim nuav kawm rua qeb 6th hab
7th rua xyoo 2015-2016 yuav muaj qheb txais kawm nyob rua ntawm cov tsev kawm ntawv nuav: Harriet Eddy, Edward
Harris, Samuel Jackman, Joseph Kerr, Elizabeth Pinkerton, James Rutter thiab T.R. Smedberg.
Cov ntaub ntawv sau npe (thov nyaib chaw) kawm ntawv rua cov tub ntxhais kws taamsim nuav kawm rua qib 8th, 9th,
10, hab 11th rua xyoo 2015-2016 yuav muaj qheb txais kawm nyob rua ntawm cov tsev kawm ntawv nuav: Consumnes
Oaks, Elk Grove, Florin, Laguna Creek, Monterey Trail, Sheldon, hab Valley.
Thov caw cov namtxiv tuaj koom kev sablaaj qha txug kev sau npe nyaib chaw moog kawm rua lwm lub tsev kawm
ntawv thaum lub Ib Hli ntuj nub tim 28 thaum 6:30pm nyob rua ntawm Monterey Trail High huv chaav multipurpose
room lossis thaum lub Ob Hli ntuj nub tim 2 thaum 6:30pm nyob rua ntawm Sheldon High School huv chaav
multipurpose room.
Kev kws sau npe kawm ntawv, namtxiv/ tug saib xyuas yuav tsum tau ua ib leeg ib dlaim ntawv rua cov tub ntxhais kawm
ntawv. Namtxiv moog nqaa tau cov ntaub ntawv nyob ntawm lub tsev kawm ntawv, los yog hu rua Secondary Education
Office ntawm (916) 686-7706 lossis moog muab tau cov ntaub ntawv online ntawm www.egusd.net.
Yuav kuas txais yuav tau dlaim ntawv sau npe nuav, dlaim ntawv yuav tsum muaj cim ntau thwj nas (postmarked) lossis
xaa tuaj rua Secondary Education Office ntawm Rober L.Trigg Center ntawm 9510 Elk Grove-Florin Road tsi pub dlhau
5p.m. nub Friday, lub Ob Hli ntuj nub tim 6, 2015. Cov ntaub ntawv sau npe kawm ntawv kws xaav tuaj lig yuav tsi txais
yuav.
Tsi taag le ntawd xwb, yuav kuas txais yuav tau dlaim ntawv sau npe kawm ntawv nuav, lub chaw nyob kws sau rua
huv dlaim ntawv los yuav tsum zoo tuabyaam le lub chaw nyob kws tau muab teev rua huv lub District. Cov
Namtxiv/ tug saib xyuas yuav tsum tau saib seb puab lub chaw nyob kws muab teev rua huv District puas thwj lossis
hu moog rua tom tug mivnyuas lub tsev kawm ntawv kuas muab hloov.
Kev sau npe kawm ntawv yog qheb rua txhua tug tub ntxhais kawm ntawv kws nyob ib ncig ntawm lub District
(cheebtsam) cam teb pib txij lub Ib Hli nub tim 1, 2015. Lub District muaj cai txwv tas yuav ca kawm coob npaum le caag
rua cov tub ntxhais kawm ntawv kws nyaib chaw nkaag lug lossis tawm moog lwm lub tsev kawm ntawv.
Cov namtxiv/ tug saibxyuas ntawm cov tub ntxhais kws tau txais kev pum zoo nyaib chaw moog kawm rua lwm lub tsev
kawm ntawv lawm, puab yuav tsum yog cov kws thauj puab cov tub ntxhais moog lug rua ntawm lub tsev kawm ntawv.
EGUSD yuav tsi muaj kev thauj moog lug rua cov tub ntxhais kawm ntawv nuav. Dlaim ntawv (Agreement) kev pum zoo
rua kev nyaib chaw nuav tsuas yog rua tug tub ntxhais kws tau xaa dlaim ntawv sau npe tuaj xwb. Nws tsi yog yuav siv
tau rua taagnrho nwg cov nugmuag tuabsi.
Cov tub ntxhais kawm ntawv kws tseem taabtom kawm nyob rua ntawm middle lossis high school taamsim nuav kws
tau kawm vim yog puab tau sau npe moog kawm (Open Enrollment) hab tseem xaav kawm ntxiv nyob rua ntawd, TSI
TAAG yuav rov qaab sau npe kawm dlua rua qhov Open Enrollment nuav ntxiv lawm.
Tsi muaj kev sau npe nyaib chaw moog kawm ntawv rua cov kws kawm nyob elementary rua xyoo 2015-2016.
Green Hmong
Yog muaj lug nug dlaabtsi hu tau rua Secondary Education Office ntawm (916) 686-7706.