REZUMU UTILIZASAUN AI-HORIS ORNAMENTU

REZUMU
UTILIZASAUN AI-HORIS ORNAMENTU NU’UDAR AI-MORUK
TRADISIONAL IHA SIDADE DILI
Peskiza ne’e hala’o iha loron 15 no 16 fulan Novembru tinan 2013 iha sidade Dili. Peskiza
ne’e ho nia objetivu atu observa ai-horis ornamentu ne’ebé iha efikásia hodi bele utiliza
nu’udar aimoruk tradisional iha sidade Dili. Métodu ne’ebé utiliza hodi rekolla dadus iha
área peskiza mak Métodu Observasaun iha Kampu (área peskiza nian iha sidade Dili),
Métodu Intervista (Ho ema ne’ebé kultiva no utiliza ai-horis ornamentu nu’udar aimoruk
tradisional), no Métodu Dokumentasaun. Ai-horis ornamentu ne’ebé sai hanesan aimoruk
tradisional iha sidade Dili hamutuk espésie 42 kompostu husi espésie 15 ne’ebé
komunidade utiliza ona nu’udar aimoruk liu husi lala’ok tradisional iha sira nia moris
loro-loron nian. Espésie 15 mak komunidade utiliza tiha ona mak hanesan Kalanchoe
pinnata, Andrographis paniculata, Plumeria rubra, Euphorvia terucalli, Orthosipon
stamineus Benth, Acorus calamus L., Curcuma aeruginosa Roxb., Curcuma longa Linn,
Pluchea indica, Morinda citrifolia L., Zingiber officinale, Portulaka glandiflora, Aloe vera,
Catharanthus roseus, no Bassela rubra Linn. Entretantu espésie 27 sira seluk mak hanesan
Ixora chinensis, Sansevieria trifasciata Prain, Bougainvillea glabra Choisy, Cadiaeum
variegatum, Hibiscus rosasinensis L., Crinum asiaticum L., Canna edulis, Cordyline
terminalis L., Rhoeo spathacea, Jasminum sambac L., Rosa damascena Mill, Impatiens
balsamina L., Hydrangea macropylla, Cassia grandis L.F., Gardenia augusta, Platycerum
alcicorne Gaud, Hibiscus schizopetalus, Gomphrena globosa L., Dianthus chinensis L.,
Clitoria ternatea L., Celosia cristata, Tagetes erecta, Mirabilis jalapa L., Bixa orellana L.,
Costus sericeous Bl., Euphorbia milii Ch., no Nymphaea alba. Ho ai-horis ornametu
ne’ebé oioin sira moos iha iha efikásia ho halo nu’udar ervas atu kurativu moras oioin
moos hanesan anemia, ruin, nehan, matan, kulit, aumenta raan, borbullus, aumenta vontade
seksual, menstruasaun la normal, estómagu , bronkitis, fuuk botak, kanek, isin manas,
azma, hamoos ran, hapara fuma sigaru, fuan, me’ar, kankru, kanek, aumenta vontade han,
infeksaun, bubu, tohar, diarea, sistema urinaria, diabetes, visul, aprodisiak (aimoruk fo
forsa), sistema nervozu, malaria, tensaun aas, hepatitis, flu, tbc, aten, úteru, insektu tata,
nehan ku’ak, rematik, kakorok to’os, kanotak moras, tumor, rins, empedu, moras garganta,
abortus ameasadus, no ain fera. Tan ne’e presija tebes atu ita konserva ita nia
biodiversidade iha Timor-Leste laran tomak hodi asegura nafatin ita nia moris iha saudavel
nia laran.
ii