Unidadi 4: Nos Planeta Tera Semana 7

Cape Verdean/OO
Unidadi 4: Nos Planeta Tera
Semana 7
Karus Famílias,
Es semana nhos alunu di jardin ta kontinua ta prendi sobri nos planeta Tera. Tenta pelu menus três di es
atividadis di aprendizajen divertidu, ô fazê-s tudu! Kuza mais inportanti é aproveita tenpu ku nhos kriansa,
aprendendu sobri kuze ki stá ta kontisi na sala di aula. Pur favor pinta na kuadradus di atividadis ki nhos skodji,
y devolvi es formuláriu pa skola na fin di semana. DIVERTI!
Matimátika: Midi Minhoka
Alfabetizason: Buska di Palavra
Korta três minhokas di papel ô jornal.
Fazi un minhoka pikenu, un minhoka
médiu, y un minhoka longu. Kola
minhokas na un papel y medi minhoka ku un régua.
Klasifiká-s di kurtu, médiu y longu. Trazi bus
minhoka di papel pa skola pa konpartilha.
Buska nos novu palavra:
was (era)
Buska-l na livrus, sinal y jornal. Fazi un frazi ku palavra
was. Tenta skrevi nhos frazi, y lê-l pa un algen.
Atividadi Mutor: Muvimentu
Fazi un kaminhu di
obstákulu ku kaderas,
kaxas y mezas. Rasteja na kaminhu, y
midi kantu tenpu ta leva. Agora kori
na kel kaminhu. Kantu tenpu ta
demora pa kori? É mais rápidu pa
kori ô pa rasteja? Nhos podi pensa
na un animal ki ta kori y otu ki ta
rasta?
Linguajen y Muvimentu: Resita Puema
Minhoka Willie
N ten un animal di stimason ki txoma
Willie,
ki ta vivi na kaza ku mi.
N ta mantê-l na es kopu spesial,
Asin, tudu nhas amigus ta podi odja-l.
Siênsias: Planta Presionadu
Lenbra di lê
20 minutu
kada noti.
Rekolhi ervas daninhu,
flores y relva y kuloká-s
entri tualha di papel.
Kuloká-s dibaxu di
livrus di telefoni antigu duranti txeu
dias. Fazi un dezenhu ku nhos
plantas prensadu y trazê-l pa skola.
Matimátika: Paseiu pa Konta
Da un paseiu ku un adultu na dia di
kuleta di lixu. Kantu kaxas azul di resiklajen bu podi
konta na bu bloku? Kantu kaxas sta na prósimu bloku?
ki bloku ten mas kaxas? Pamodi ki nhos ta atxa ki nu
presiza kaxa di resiklajen na nôs vizinhansa?
Nomi di Kriansa: _______________________________ Asinatura di Pais: ____________________________
Cape Verdean/OO
Rejistru di Leitura
Marka kada dia ki nho/nha y kriansa di nho/nha ta lê un stória djuntu. Lenbra
ki leitura na nhos língua nativu é tãu bon komu leitura na Inglês.
Vizita un Biblioteka Públika di Boston pa bons livrus sobri nos Tera.
Segunda ____ Tersa ____ Kuarta ____ Kinta ____ Sesta____ Sábadu____ Dumingu____
Livrus ki nu sta ta lê na skola
Tomas and the Library Lady pa Pat Mora
Otus livrus ki nho/nha y nhos kriansa podi gosta:
The Gigantic Turnip pa Aleksei Tolstoy & Niamh Sharkey
A Handful of Dirt pa Raymond Bial
Tema di Konversa:
Nho/nha podi djuda kriansa prendi mas sobri nôs planeta tera! Ali alguns perguntas pa
pregunta nhos kriansa enkuantu nhos sta ta fazi atividadis di Home Links:
● N obi fla ki bu sta ta lê livru “Tomas and the Library Lady”. Kuzê ki bu gosta sobri
es livru? Pamodi?
● Bu podi enxinan múzika "Wiggle Worm" ô otu múzika ô un puema ki bu prendi
sobri minhoka na skola?