Schwobeland_-_Mond_un_mir

Schwobeland – Mond un mir
Nafdalin
Refrain
S dud mer leid, aber bald heissds Ade sage
un so schdeh i jetzt vor dir, frisch gwasche midm Schdehkrage
i müssd lüge wenn i sage würd mir gehds so gud
morge früh um halber neune weiss i gehd dein Flug
i bin so nebe de Kabbe mir schnabbd mei Löchle zu,
dann schdehsch uff oimol do mid deine Schdöggelschuh
a Sommerglaidle ohne irgendebbes drunder
nur du un i un de Mond glotzt nunder,
du bisch so schee, mei Bumbe die boggeld wie bleed
i hab a Degge un en Buddel mid gudem Buckee
Palme wedeln, die Grille zirpe `s Meer rauschd
mir zwei boggeln, i weiss ned was mer noch mehr brauchd
i bin en gmachde Mann, du bisch mei gmachde Fraa
wenn ned fürs Lebe, dann wenigschdens für a paar Dag,
am liebschde würd i de eipagge un mid hoim nemme,
Borschd mache, Häusle baue, nemme aloi penne
Bevor i mei Päggle schnür, mechd i di nochamol brobiern
dess isch mein ledschde Obed hier, nur de Schdrand, nur des Meer, nur de Mond un mir
Fürschd Renjay
Refrain
De ledschde Obed zu zweid an unserm Palmeschdrand,
morge früh gehd mein Flug in Richdung Schwobeland,
i hab mei Päggle gschnürd un nur an de denge müsse,
hab mer schier ins Hemd neig schisse, bei unserm erschde Schwätzle,
du hasch me grauld, i hab gschnurd wie a Kätzle,
doch leider isch die näggschde Nachd für uns beide die ledschde,
un jetzt hogg de noo
i hab a Liedle für de gschriebe, komm i schbiel ders uff de Glampfe vor
un i baddel uns uffs Meer naus
zaig´der de Schdernehimmel, heud Nachd hol i de Scharmör raus,
i schmeiss´der´d Kerze o, du bisch mei Goldschdüggle
du un a Holzhüddle ischs oinzigschde was i no brauch
du bisch des allergröschde Gschirr un i en riesse Glüggspilz
a wenn i weiss das du ned kannsch, obwohl du doch mid willsch,
am liebschde würd i de eipagge un mid hoim nemme,
schdoiald werde un gwies nemme aloi penne
Gselzbärle
Bube `s war a scheene Zeid, i hab me gwöhnd an euch,
14 Dag Lufd un Liebe hänn mer zum Lebe greichd,
das dess ned ewig bleibd war mer glei am Oofang klar,
denn euer Mädle muss Morge gehe un hoomfahrn,
i werd euch ned vergesse, noi i darf echd ned modze,
`s war romandisch am Schrand ligge un in´d Schdern glotze,
i werds vermisse, dess Rumgegnudsche un Rumbubeln,
die Komblimende warn zuggersüss so wie Rumkugeln,
ob mir uns widderseh, schdehd uffm andern Bladd,
vielleichd verschläds me irgendwann a amol in euer Schdadd,
ihr könnd mer schreibe, wenner wieder mol a Reise machd,
vielleichd bin i dann a am Schdard und´s wird wieder a haisse Nachd,
i drag euch bei mir in Gedanke un uff Polaroid
un grieg waiche Knie deng i an die tolle Zeid,
seid i weg bin scheind im Lebe faschd koi Sonne,
am liebschde hädd i oich eipaggd un mid hoim gnomme
Refrain