secziun pez ault - Cordial Beinvegni sin Lumneziasport

SECZIUN PEZ AULT
PROTOCOL DALLA RADUNONZA GENERALA
DILS 30-01-2015
ELL’ USTRIA PEZ REGINA A LUMBREIN
SECZIUN PEZ AULT
Protocol dalla radunonza generala dils 30-01-2015
Tractandas
1.Beinvegni ed elecziun da dus dumbravuschs.
2.Approbaziun dils protocols dalla radunonza generala dils 31-01-2014 e dallas
radunonzas da secziun dils 25-04-2014 e 20-06-2014.
3.Rapport annual dil president.
4.Rapport annual dil cau da tgira.
5.Rapport annual dil cau dil stan da sittar.
6.Rendiment da quen dil cassier, rapport e proposta dils revisurs ed approbaziun dil
quen annual.
7.Fixaziun dalla contribuziun annuala.
8. prender conclus sur da propostas per mauns dalla radunonza da delegai dall’uniun
cantunala (BKPJV).
9. Approbaziun dil program annual.
10.Adattaziun dil reglement dil tir intern
11.Elecziuns per ina perioda da dus onns: actuar, il cau dil stan da sittar, in substitut
cau dil stan da sittar, in revisur da quen ed in substitut e la cumissiun da tgira.
12. Honoraziuns / Mutaziuns.
13. Elecziun dils delegai dalla secziun per il cuoz d’ in onn.
14. Diversas informaziuns.
15.Varia.
1. Beinvegni ed elecziun da dus dumbravuschs
Allas 20.00 uras fa nies president Duri Camenisch a tuts presents in cordial beinvegni.
In spezial beinvegni va al guardia selvaschina Arnold Caminada. Ed al cau da tgira dil district
II, Marco Casanova.
Arnold vegn aunc suenter la radunonza, ad informar sur da suandonts puncts: -controlla da
buis; -midadas d`asyls; -populaziun d` animals; -ceffras dils animals sittai da catscha, dils
davos onns.
La radunonza ei vegnida convocada ad uras, entras l’ invitaziun e la gliesta da tractandas, ch’
ei vegnida tarmessa tier e publicada duas gadas el Fegl Ufficial.
Ei dat neginas objecziuns ni cumpletaziuns enviers la gliesta da tractandas, aschia ch’ ella
vegn approbada.
Nies president declara la radunonza per aviarta.
Nies president lai circular la gliesta da presenza
Presents ein questa sera 26 persunas.
Perstgisas: Guardia selvaschinas Gieri Derungs, Albert Lombris, Richard Caminada, Manuel
Eicher, Enrico Casanova, Fernando Caviezel.
Avon che continuar cun nossa radunonza, seregurdein nus da nos camerats che han bandunau
nus per adina. Quei ein Isidor Collenberg Morissen e Giachen Martin Arpagaus Camuns.
Nies president supplichescha tut ils presents da star sin peis per in cuort memento.
2
SECZIUN PEZ AULT
Protocol dalla radunonza generala dils 30-01-2015
Elecziun da dus dumbravuschs
Sco dumbravuschs vegnan Roland Casanova e Flurin Caduff proponi ed elegi unanim.
2. Approbaziun dils protocols, dalla radunonza generala dils 31-01-2014 e dallas
radunonzas da secziun dils 25-04-2014 e 20-06-2014.
Cunquei che tuts treis protocols ein vegni publicai sin nossa pagina d' internet ni ein vegni
tarmess tier als tals che han giavischau ei, ha mintga commember giu la pusseivladad da
prender investa dils protocols, aschia ch’els vegnan buca pli prelegi, mo sch’ enzatgi
giavischa ei. Tuts van d’accort cun la proposta da nies president.
Approbaziun dils protocols:
Nies president metta il protocol dils 31-01-2014 en discussiun. Negin fa objecziuns ni
cumpletaziuns partenent il protocol. Il protocol vegn approbaus unanim.
Il protocol dils 25-04-2014 vegn mess en discussiun. Negin fa objecziuns ni cumpletaziuns
partenent il protocol. Il protocol vegn approbaus unanim.
Il protocol dils 20-06-2014 vegn mess en discussiun. Negin fa objecziuns ni cumpletaziuns
partenent il protocol. Il protocol vegn approbaus unanim.
Nies president engrazia a Retus (protocol dils 20-06-2014) e Maurus per la lavur, els san
prender encunter in applaus dils presents.
3. Approbaziun dil rapport annual dil president
Preziadas catschaduras, preziai catschadurs
Dapi in onn sun jeu ussa president da nossa secziun, quei ei stau in onn da seviveren empau,
emprender d’enconuscher enqual process. Mo jeu manegiel quei segi gartegiau buca schi mal.
La suprastonza ei seseida ensemen 4 gadas ed ha tractau 18 tractandas. En quellas 4 sesidas ei
vegniu discussiunau, planissau ed organisau nossas differentas occurenzas, sco era soccupai
cun novaziuns pertuccont il sittar , ils sittar obligatoric, zonas da ruaus e l’idea che investurs
vulan realisar in hotel a Bual sil platz da ballapei ect.
Onn da Secziun 2014
Ils 12.4 ei stau il gi da lavur cumina el stan da sittar a Bual. Ils 16.4 ha igl emprem exercezi
da sittar giu liug, quels han cuzau tochen ils 30.08. Sin damonda aunc duront la catscha. En
tut ha la secziun purschiu 23 gadas la pusseivladad da far exercezis, quei senza il tir intern. Ils
exercezis ein stei frequentai bein. In rapport pli detagliau udis vus da Natali. In grond
engraziament a Natali e Livio per lur buna e premurada lavur . Era a tut ils gidonters in
grond engraziament per lur engaschi en ed entuorn il stan. Il stan da sittar sco era il contuorn
da quel ei adina cultivaus bein e quei ei era positiv enviers tut quels che han la catsch buca
schi per cor.
3
SECZIUN PEZ AULT
Protocol dalla radunonza generala dils 30-01-2015
Ils 26-4 ed ils 18-10 han nos dus gis da tgira giu liug. Quei mintgamei igl avon miezdi.
Adrian vegn era cheu ad informar pli detagliau. Ad el era in grond engraziament per siu grond
engaschi en favur dallas selvaschinas ed igl ambient. Per nossa cassa ei quei era buca da
sutschazegiar.
Ils 25.4 ha nossa radunonza da secziun da primaver giu liug. Cheu havein nus priu las
decisiuns per las propostas per mauns dalla radunonza da delegai dil BKPJV che ha giu liug a
Tavau ils 24 da matg. A quella radunonza han 4 delegai priu part.
Ils 20.6 ha la secunda radunonza da secziun giu liug. En quella ei vegniu tractau e
discussiunau pertuccont zonas da ruaus ed informau pertuccont il Hotel a Bual. Duas zonas
da ruaus che ein vegnidas tractadas quella sera ein ussa en vigur. Numnadamein quella ella
Val Mulin a Lumbrein ed igl engrondiment dalla zona existenta a Camus Pala da Tgiern. La
tiarza ch’ei vegnida proponida alla vischnaunca ha buca anflau sustegn tier la suprastonza
communala ed ei aschia era buca vegnida presentada alla radunonza communala.
Pertuccont il Hotel a Bual ha ei dau nuot niev dapi l’informaziun da quella radunonza. Tenor
il canzlist communal Marcus Cavegn seigi curriu nuot en quella caussa, ni tier la vischnaunca
ni tier ils iniziants.
Ils 16.08 havein manau atras nies tier intern. Da quei arranschament han 58 catschadurs fatg
part. Aschia ch’il diember ei staus constants. Il premi prencipal, la patenta da catschaulta ha
Silvo Riedi da Flolnd gudignau.
Nossa sera famigliara ha giu liug uonn a Degen. La giuventetgna da Degen cun lur
commember Dario Caduff alla testa han organisau e manau atras quella ocurenza. Jeu sun dil
meini che quei ei gartegiau bein, e bein enqualin ha teniu ora tochen che ei ha entschiet a
catschar gis. In grond engraziament a els.
Suenter che igl ei buca stau reussiu igl onn 2013 da far part al Macau Daniev a Cumbel ha
quei puspei funcziunau uonn bein a Vrin. Ils catschadurs da Vrin sut la direcziun da Richard
Caminada han organisau e manau tras quei per la secziun. Ord quei engaschi ha ei dau in
recav da 820 Fr. Per la secziun. Il Flyer ch’era sil stan ha cattau attenziun dils visitaders aschi
che jeu hai survegniu reagziuns positivas da catschadurs ordeifer dalla Val. Als catschadurs
da Vrin ch’ein sengaschei per quella ocurrenza in grond engraziament.
Duront igl onn 2014 havein giu 3 sesidas d’il district da catscha Glogn. En la suprastonza da
quel fan part ;
President
Victor Blumenthal
secziun Vorab
President da tgira
Marco Casanova
secziun Pèz Ault
Actuar
Remo Veragut
secziun Bostg
Cassier
Hans Lutzi Stucki
secziun Versomi
assessur
Otmar Illien
secziu Vals
Quei ei il gremium denter il BKPJV e las secziun. Cheu vegn informau e discussiunau cun
representants dil BKPJV las survigilonzas e representants dallas secziun sur da tuts ils fatgs
da catscha e tgira che’in actuals ni vegnen actuals.
Sco davos engraziel a mes consuprastonts Natli, Retus, Adrian Maurus e Livio per lur buna e
premurada lavur per nossa secziun, igl ei stau emperneivel da luvrar ensemen cun vus. Sco
4
SECZIUN PEZ AULT
Protocol dalla radunonza generala dils 30-01-2015
era a tut ils auters gidonters ch’ ein sengaschai en ina moda ni lautra per nossa secziun, in
grond engraziament.
Catschaduras e catschadurs hagies quitau da nossa biala catscha, pertgei ina catscha sco nus
havein dat ei mo inagada.
Morissen, schaner 2015
Prsident Duri Camenisch
Suenter l`approbaziun dil rapport engrazia igl actuar a nies president per sia fetg gronda lavur.
Duri sa prender encunter in applaus dils presents.
4. Approbaziun dil rapport annual dil cau da tgira
Preziadas catschaduras, preziai catschadurs
La secziun Péz Ault astga mirar anavos cun in bien sentiment pertuccont igl onn da tgira
2014. En tut ha la secziun culs candidats prestau bunas 750 uras da lavur che portan rodund
fr. 4`000.- en nossa cassa.
Igl ei vegniu luvrau els suandonts projects: Vrin: Val Tui. Lumbrein: Givras, Uaul da Cavel.
Surin: Lunfresta. Vella: Val Gonda. Vignogn: Uresa. Vattiz: Genastga. Morissen: Plauncas
Seniastras.
Il fenadur-uost ei vegniu segau a Lumbrein, val da Tschantegn. Camuns, Las Plauncas.
Camuns-Seglias, La Plaunca. S.Martin, prau Haspel. En tut rodund 3 ha.
Per ils candidats ha la tgira entschiet gia il mars cun la sesida d`informaziun a Glion, e
silsuenter partgiu giu tochen egl atun. Els han luvrau en differents projects separai dalla
secziun mo era fatg ventschidas leu nua che muncava aunc entginas uras da lavur per saver
ademplir il pensum da tgira. Avon che schar vegnir unviern havein aunc signau zonas da
ruaus Val Mulin Lumbrein e Pala da Tgiern Camuns.
Claudio, Daniel, Dario, Ramon, Mauro e Gian han adempliu l`emprema part digl examen da
catscha. Pia il sittar. Ussa star davos ils cudischs e lu gartegia era la secunda part teoretica.
Bien cletg.
Da niev ein s`ennunziai tier nossa secziun: Caduff Rino Morissen, Caminada Melanie e
Marina Ligiaziun, Capaul Flavio Degen, Lombris Ivan Vella, Nay Angela Glion, Luca
Casanova Vignogn. (stuschau per 1 onn, survetsch militar)
Ils gis da tgira 2015 ein: ils 25 d`avrel ed ils 17 d`october. (Invitaziun suonda)
Pigl onn da tgira 2015 ei vegniu mess ensemen dalla comissiun da tgira cun survigilonza da
catscha lavurs en differents projects per rodun fr. 5`200.-.
5
SECZIUN PEZ AULT
Protocol dalla radunonza generala dils 30-01-2015
Cun vies agid ed engaschi sundel perschuadius che la secziun Péz Ault ademplescha il
pensum da tgira, e porscha aschia a gronds ed era a pli pigns animals in bien territori da viver
per stad ed unviern.
En num dalla secziun Péz Ault engraziel jeu a vus per vies engaschi da tgira.
Sin bien seveser igl onn da tgira 2015
Il cau da tgira
Adrian Casanova
Suenter l`approbaziun dil rapport engrazia nies president ad Adrian per sia fetg gronda lavur.
Adrian sa prender encunter in applaus dils presents.
5. Approbaziun dil rapport annual dil cau dil stan da sittar
Lavurs prestadas 2014
Ils 20 da mars sundel staus a Rueun per la muniziun GP 11, per l`emprema gada havein saviu
retrer la muniziun directamein sur la secziun Péz Ault.
Ils 12 d`avrel fatg lavur cumina, quei di han 11 commembers fatg part, schubergiau la
parcella ed ils casets d`utschals. Fatg la seiv, montau las schibas e mes en funcziun la lieur.
Era il tschaffa ballas havein midau ora la lenna necessaria.
Ils 10 da matg ed ils 21 da zercladur havein fatg aucg duas gadas lavur cumina cun mintgamei
6 partiziponts. In cordial engraziament a tuts che han segidau, en spezial a Livio Blumenthal
per il grond engaschi sco miu substitut.
Aschia havein entschiet la sesiun da tir ils 12 d`avrel. Buca meins che 22 gadas havein dau la
pusseivladad da sittar. Enteifer quels exercezis eis ei vegniu sittau 287 gadas, quei fa in daner
da siet da frs. 1`435.-, jeu engraziel zun fetg per quella buna participaziun.
Campiunadi da trenament
Al campiunadi han 20 fatg part e sittau 76 passas, era cheu havein in daner da siet per mintga
passa, che porta aunc ina gada a nus frs. 380.-.
Cheu astgel jeu far attents ch`ei vegn ad esser da basegns da midar las schibas, per quei intent
ein quels daners beinvegni.
Gi da tgira ils 26 d`avrel
Quei di havein era puspei organisau in gentar el stan. 34 commembers han fatg part al gentar
ch`ei offerius dalla secziun. Las lavurs prevedidas havein saviu execuir sco prevediu, bien
engraziament.
Orientaziun pertuccont muniziun
La muniziun havein era uonn prevediu da metter a disposiziun, la GP11 e per la lieur havein
aunc reserva. La muniziun da catscha caliber 10.3 RWS sa vegnir empustada sco igl onn
vargau.
Preziei camerats, aschia sperel jeu da haver dau ina cuorta orientaziun pertuccont il menaschi
da tir, in bien engraziament admettel als consuprastonts al cau da tgira Adrian Casanova, sco
a tuts commembers che segidan enteifer igl entir onn.
6
SECZIUN PEZ AULT
Protocol dalla radunonza generala dils 30-01-2015
Visada
Cun quest rapport concludel jeu mia activitat sco commember da suprastonza ed engraziel per
la biala collaboraziun ed emperneivlas uras, giavischont a tuts bia plascher e success cun
nossa biala catscha.
Vella, ils 20 da schaner 2015
il cau dil stan
Natali Lombris
Suenter l`approbaziun dil rapport engrazia nies president a Natali ed a Livio per lur fetg
gronda lavur. Els san prender encunter in applaus dils presents.
6. Rediment da quen dil cassier, rapport e proposta dils revisurs ed approbaziun dil
quen annual
Nies cassier Retus Blumenthal presenta il quen annual. Il quen annual digl onn 2014 siara giu
cun entradas da frs. 17`939.- ed expensas da frs. 16`958.- . Aschia seresulta in gudogn da frs.
980.-. La hipoteca per il stan da sittar ils 31.12.2014 munta a frs. 0.00.-. Tier il tir intern ha
nossa secziun fatg in gudogn da frs. 1`500.80.-. Il Marcau Daniev ha purtau in gudogn da
820.-.frs.
Il revisur da quen Marcel Casanova menziunescha, che Maurus Arpagaus ed el hagien
controllau il quen annual. Il quen ei vegnius menaus schuber ed en uorden e tut ils
mussaments necessaris ein avon maun. Marcel engrazia a Retus per sia fetg buna lavur.
Marcel Casanova propona el num dils revisurs, d’approbar il quen.
Sinquei vegn il quen digl onn 2015 approbaus unanim.
Nies president engrazia a Retus per sia fetg gronda lavur prestada, Retus sa prender encunter
in applaus dils presents.
7. Fixaziun dalla contribuziun annuala
Nies president metta cuort avon, co las contribuziuns annualas ein fixadas:
Commembers A
Commembers B
Commembers passivs
100.55.50.-
La suprastonza ei dil meini da far neginas midadas.
Propostas ord las retschas dils commembers dat ei neginas.
Las propostas vegnan approbadas unanim.
7
SECZIUN PEZ AULT
Protocol dalla radunonza generala dils 30-01-2015
8. Prender conclus sur da propostas per mauns dalla radunonza da delegai dall’ uniun
cantunala (BKPJV)
Tenor statutas ston propostas vegnir dadas giu a scret alla suprastonza sil pli tard 10 gis avon
la radunonza generala. Neginas propostas ein vegnidas inoltradas. Propostas specialas, ch'
eran buca sin la gliesta da tractandas dalla radunonza generala, ein mo valeivlas, sch' ellas
vegnan decididas da duas tiarzas dils presents cun dretg da votar.
9. Approbaziun dil program annual
Program pigl onn 2015
30-01-2015 radunonza generala
21-02-2015 radunonza da presidents
15-04-2015 radunonza dil district
24-04-2015 radunonza da secziun
25-04-2015 gi da tgira da primavera
16-05-2015 radunonza da delegai
Avrel – october trenament da sittar
22-08-2015 tir intern
17-10-2015 gi da tgira d`atun
28-11-2015 sera familiara
December radunonza dil district
Fin december Marcau Daniev
Luis Caduff damonda, sch` enzatgi fetgi insumma part dalla radunonza dils presidents ?
Nies president sincerescha, ch`el seigi staus.
Il program digl onn vegn approbaus unanim.
10. Adattaziun dil reglement dil tir intern
Ils calibers, culs quals ei vegn sittau tier nies tier intern vegnan pli e pli pigns ed ei vegn sittau
pli e pli ferm culs tals.
Nies president gi, ch`ei dat adina puspei discussiuns d`ina part d`ils catschadurs, che
sedamondan, pertgei ch`il tir intern vegni buca sittaus cun la muniziun da catscha, pia caliber
10.3.
Per vegnir encunter a tals catschadurs che han buca ina conna da midar, fa la suprastonza
suandonta proposta:
8
SECZIUN PEZ AULT
Protocol dalla radunonza generala dils 30-01-2015
-Steh da catsch`ault (camutsch / cavreil):
duas rangaziuns (1x caliber 10.3 e dapli; 1x tuts calibers pli pins che 10.3)
-Campiunadi :
duas rangaziuns (1x caliber 10.3 e dapli; 1x tuts calibers pli pins che 10.3)
Mintga catschadur/A sa naturalmein sittar mo inagada sco tochen dacheu il steh giavischau.
(Pusseivladat aunc da sittar il dubel, denton ei quel buca valeivels per la rangaziun.)
Suenter ina buna discussiun vegn nies president tier la votaziun.
19 vuschs ein per la proposta dalla suprastonza. Encunter, 0 vuschs.
Bruno Solèr prenda il plaid e gi, ch`el sponsureschi in da quels dus bucals che vegnan ussa
niev vitier. La radunonza ei incantada da quella proposta e renda engraziament cun in ferm
applaus.
11. Elecziuns per ina perioda da dus onns: actuar, il cau dil stan da sittar, in substitut
cau dil stan da sittar, in revisur da quen ed in substitut e la cumissiun da tgira.
Actuar
Igl actuar Maurus ha demissiunau. Dario Caduff vegn proponius ed elegius cun applaus sco
niev actuar e vice president en suprastonza.
Cau dil stan da sittar
Il cau dil stan Natali ha demissiunau. Il substitut dil stan da sittar, Livio Blumenthal vegn
proponius ed elegius cun applaus sco niev chef dil stan en suprastonza.
Substitut cau dil stan da sittar
Quella scharscha, substitut cau dil stan da sittar, vegn puspei schligiada si.
Natali menziunescha, ch`el ei promts da segidar cun Livio sch`ei fa da basegns, sco el sa po.
Revisur da quen
Sco revisur da quen vegn Maurus Arpagaus reelegius cun applaus.
Suppleant revisur da quen
Sco suppleant revisur da quen vegn Gioni Capaul reelegius cun applaus.
La cumissiun da tgira
La cumissiun da tgira vegn elegida mintg`onn
Ils commembers dalla cumissiun da tgira: Andriu Camenisch, Bruno Solèr, Livio
Blumenthal, Stefan Caduff, Gian Marco Casanova, Marco Casanova e Martin Alig,
vegnan reelegi cun applaus.
Nies president engrazia a tut quels ch`ein stai en uffeci tochen ussa, als tals che restan en
uffeci, sco era als novs ufficials ch`ein stei promts da surprender l`incarica.
9
SECZIUN PEZ AULT
Protocol dalla radunonza generala dils 30-01-2015
12. Honoraziuns / mutaziuns
Honoraziuns
Las honoraziuns vegnan era getgas cursera e buca mo alla sera familiara, ch’ era quels nums
seigen francai el protocol.
-Commembers A , ch' appartegnan 25 onns (2014) nuninterruttamein alla secziun, retscheivan
la medaglia da veterans dalla secziun Péz Ault, quei ein: Placi jun. Albin Tersnaus,
Arthur Caduff Degen, Oscar Casaulta Lumbrein, Norbert Cavegn Cuera, Isidor
Derungs Degen, Giusep Lombris Vella.
-Commembers, che cumpleneschan egl onn current (2014) 60 onns e ch' ein sil pli pauc
nuninterruttamein 25 onns commembers dall’uniun cantunala, daventan veterans, quei ein:
Stefan Caduff Vattiz, Florentin Capaul Trin/Mulin, Mario Capaul Sagogn, Livio
Caviezel Vrin, Albert Eicher Vignogn.
-Commembers, che cumpleneschan egl onn current (2014) 70 onns e ch' ein sil pli pauc dapi
25 onns nuninterruttamein commembers dall’ uniun cantunala, daventan commembers
libers, quei ein: Giachen Philipp Vattiz, Balzer Casanova Vignogn, Zievi Derungs
Vignogn.
Luis Caduff prenda il plaid e manegia ch`ins savess, sper la medaglia, dar aunc in pign
present als tals che han pagau en 25 onns tier nossa secziun. Seigi era auters catschadurs da
quei meini, che seigen denton buca cheu cursera.
Differents commembers prendan il plaid.
Cunquei che Luis vul buca formular ina proposta per ina votaziun, vegn nies president cun la
proposta, che la suprastonza s`occuppi en caussa e vegn a metter avon enzacu auter quei alla
radunonza.
Mutaziuns
Entradas:
David Solér Pitasch, Martin Hassler Surin, Roger Hendry
Vrin.
Ils novs commembers vegnan pri si unanim. Nies president fa ad
els in cordial beinvegni en nossa secziun.
Midada:
Otto Derungs giavischa da vegnir commember B tier Péz Ault
ed A tier Péz Fess.
Extradas:
Roland Lutenaurer Roggliswil.
Mortoris:
Isidor Collenberg Morissen e Giachen Martin Arpagaus
Camuns
Noss’ uniun dumbra ils 31-01-2015: 160 commembers/As
Commembers A
149
Commembers B
9
Commembers passivs e fauturs
2
10
SECZIUN PEZ AULT
Protocol dalla radunonza generala dils 30-01-2015
13. Elecziun dils delegai dalla secziun per il cuoz d`in onn
Noss’ uniun sa tarmetter 4 delegai alla radunonza da delegai dil BKPJV. Nies president
spetga sin propostas ni ils quals che han interess, duein s` annunziar.
Nies president ed Adrian Casanonva, ein sedeclarai promts ed era vegni elegi sco delegai.
Auters ein buca vegni tscherni.
Nies president fa la proposta ch’ei vegn surdau la competenza alla suprastonza d`encurir
aunc dus delegai. La proposta vegn approbada unanim.
14. Diversas informaziuns
-Midada dall`indemnisaziun da maschinas
Alla radunonza da secziun dils 25-04-2014, ha la suprastonza communicau, che catschadurs,
che drovan lur maschinas per far lavurs da tgira, vegnan indemnisai persuenter.
Sco nies cassier Retus ha communicau alla suprastonza, ha negin fatg diever da quels daners e
schanghegiau quels alla secziun.
La suprastonza ei sedecidida da midar entuorn quei sco suonda: ei vegn cumprau enqual
premi cun quels daners bugettai. Alla sera familiara vegn tratg la sort dils premis, per ils tals
che han fatg lavur da tgira per nossa secziun.
La suprastonza argumentescha lur agir sco suonda: Als tals che fan tgira, ei d`engraziar che
nus survegnin in bi daner en cassa. Ei fuss in engraziel e forsa era per animar auters tier la
lavur da tgira. Per saver retrer ils premis, ston ils catschadurAs denton esser presentAs alla
sera familiara.
Pascal Casanova prenda il plaid, e manegia che quei seigi ina bun` idea, denton buca
d`emblidar quels che fan era tgira per la secziun auters temps ch`ils gis ufficials da tgira.
Adrian gi ch`el tegni scret si tut ils nums, dils quals che fan tgira.
-Obligaziun da sittar en la buis da catscha
Naven d`uonn sto mintga catschadur sittar en la buis cun in resultat scret avon. Per la
catsch`aulta, la catscha bassa e catscha da laghetg.
Catsch`aulta:
Resultat
Caliber
Posiziun
Schiba
Diember
Quosts
quater siets in suenter l`auter naven dil dad otg ensi. (p.ex. da 10 siets
sittai, ston 4 siets esser denteren, in suenter l`auter, naven dil dad otg
ensi.)
ei libers
ei libra
camutsch
tontas ga sco ei fa da basegns
cu il tiradur ha dumignau l`obligaziun sto el pagar 15.-frs. per uaffen.
11
SECZIUN PEZ AULT
Protocol dalla radunonza generala dils 30-01-2015
Catscha bassa e catscha da laghetg:
Resultat
Quosts
quater siets che tuccan ina dallas duas part davon dalla lieur. (p.ex. da
10 siets sittai, ston 4 siets esser denteren, in suenter l`auter, che han
tuccau la part davon ni amiez.)
cu il tiradur ha dumignau l`obligaziun sto el pagar 15.-frs. per uaffen.
Giusep Casanova damonda a tgi che quels 15.-frs. van ?
Quels daners van cumpleinamein alla secziun.
Ils detagls sco la suprastonza organisescha quei exact, dat nies president enconuschent alla
radunonza da secziun dalla primavera.
15. Varia
Marco Casanova, president dil district da tgira II, fa suandontas explicaziuns:
-Zona da ruaus da Vella, las midadas fussen da dar vinavon al cantun, per actualisar ed adattar
las tablas.
-Informescha sur dalla tgira el district II.
-Dat sclariment, sco ei vegn pagau ora ni strihau daners da tgira, per las secziuns.
-Dat sclariment, sur dallas uras da tgira, per ils candidats.
-Animescha da scriver dapli ella gasetta da catscha, sco caussas da tgira e lavurs che dattan
giu ina buna PR.
Adrian explica, che la suprastonza veigi schon priu en mira aschi` in project: cun ina ni pliras
classas da scola p.ex. schubergiar in uaul. Ils affons survegnessan enzatgei en cassa ed per la
secziun da catschadurs sco inizianta, fuss quei ina buna PR. El seigi vidlunder da mirar cun il
responsabel dalla Vischnauca Lumnezia e cun il menader da scola.
Maurus Demont pertuccont la zona da ruaus da Vella:
La via atras la zona da ruaus ei buca vegnida dada libra per saver far pista e menar la glieud
en egl uaul. La via ei vegnida prida ora, sulet ord quei motiv, che sche la survigilonza entaupa
affons che van cun skis ni viagiaturs sin la via, vegnan quels buca castigiai. Las pendicularas
ed jeu, che mirel dalla zona da ruaus, vegnin vinavon a serrar giu sco ils davos onns la zona
da ruaus. Buca cun tablas da scamond, mobein cun semplas pindellas e tablas per sensiblisar e
far attents la glieud. Pertgei sch`ins meina la glieud dalla via en egl uaul, vegn ei priu la
caschun ed iu cun skis tras igl entir uaul entuorn. Sco ils onns avon che nus seraven buca giu,
han mussau claramein.
negin auter prenda pli il plaid.
12
SECZIUN PEZ AULT
Protocol dalla radunonza generala dils 30-01-2015
Sco davos engrazia nies president als consuprastonts per la buna collaboraziun e giavischa a
tuts presents aunc ina biala sera e silsuenter in bien retuorn a casa.
La proxima runda da beiber, suenter la radunonza, paga la secziun.
Allas 21.40 uras siara nies president la radunonza
Nies president dat il plaid ad Arnold Caminada.
Arnold informescha sur da suandonts puncts:
-controlla da buis
-midadas d`asyls
-populaziun d` animals
-ceffras dils animals sittai da catscha dils davos onns
Suenter il referat engrazia nies president ad Arnold per quellas interessantas informaziuns ed
explicaziuns. Arnold sa prender encunter in applaus dils presents.
Vella, ils 13 da fevrer 2015
il president:
igl actuar:
Duri Camanisch
Maurus Demont
13