11. O Natura E Lua O Iesu Keriso

Lesona 11
O NATURA E LUA O IESU KERISO
Atua Atoatoa – Tagata Atoatoa
O le telefoni faigofie o se foafoaga sili lenei ona faafaigofieina ai fesootaiga. O
lona fa’aaogaina ua sili atu nai lo le tomai i fausaga o femalagaa’iga ma
fela’ua’iga i luga o ala tetele i le faatusatusa atu i lo latou lapopo’a, saosaoa ma le
malosi. E ui lava ina fesoota’ia e nei auala e lua manaoga o galuega ma le
faatupulaia o le aga’i i luma o le olaga, a’o le telefoni e aumaia ai le sootaga i le
taimi lava e faia a’i fesoota’iga a le tagata i le isi tagata. O le telefoni na te
sosooina le va o le taimi ma le nofoaga e feso’ota’i ai i o tatou aiga, uo poo
manaoga faapisinisi foi. Na pau lava le mea tatou te manaomia tatou te faia o le
si’iina lea i luga o le vaega o le telefoni o loo ē tautala i ai, ma vili loa.
I taimi o naunautaiga sili atu ona loloto ma manaoga o le loto, o nei sootaga o ni
auala faaola ia i le filemu ma le manino lelei o le mafaufau. O se tulaga ese la, o
loo to’atele tagata e leai ni a latou telefoni, poo se uo foi e liliu atu i ai mo le
fesoasoani. I le tuua toatasi o se tagata, poo le tulaga mafatia foi, o faanoanoaga
ma avega o le loto e matuā mamafa mai lava i se faafitauli poo se manaoga foi, e
aunoa ma se uo poo se auala foi o fesootaiga e ono faalagolago atu i ai.
E to’a fia tagata o loo mafatia faapea i o latou olaga faaleagaga? E matuā to’atele
lava tagata o loo aga’i pea i luma na o i latou i le olaga ma o loo pagatia i avega,
lafoa’ia pe lē malamalama foi i faamanuiaga o le auala o fesootaiga o loo i ai, ina
ia toe soso’oina ai le avanoa, i le va o le lagi ma le lalolagi. O lenei fesootaiga o
loo avanoa mai mo tagata uma lava, ma o se fesootaiga faapea ua faamautinoaina
mai ina ia faamāmāina ai avega o le olaga, siitia ai i luga le olaga, ma aumaia ai i
tatou i le loto gatasi ma le lagi. Na pau lava le mea tatou te manaomia ia tatou faia,
o le fa’aaoga lea o le sootaga faalelagi ua tuuina mai e le Atua mo i tatou.
O le a lenei sootaga o fesootaiga? O le Lesona 9 na faaalia ai la tatou vaega i le
faia o lenei fesootaiga i le tatalo. Peitai o le a le sootaga moni fa’ale-telefoni o loo
fesootai atu ai le lalolagi i le lagi, ma le lagi i le lalolagi? Poo le a lava le sootaga,
e tatau lava ona i ai sona fesootaiga atoatoa ona lelei ma le Lagi ae faapena ai foi
se fesootaiga atoatoa ona lelei ma se malamalamaaga atoatoa e faatatau i le tulaga
faanoanoa o le tagata. E faapefea ona mafai ona i ai se sootaga faapea i le va o se
lalolagi agasala o loo agai ifo i le oti ma le loto gatasitasi atoatoa o le lagi?
Se’i tatou vaavaai lava i le fesootaiga atoatoa ona lelei ua faia e le Atua e ala mai i
Lona Alo o Iesu Keriso. O Iesu o loo faamatalaina mai faapea o se sui poo se
puluvaga, ua Ia toe soso’oina le avanoa i le va o le Atua ma le tagata. O lenei
gaioiga ofoofogia ua matuā faigata ona malamalama i ai le tele o tagata su’esu’e o
le Tusi Paia. O le a le tulaga o le natura o Keriso, o Ia ea o se tagata poo se Atua?
O ai Iesu Keriso? O Ia ea ua na o se tagata, o se tagata faigaluega na galue
fesoasoani i tagata lautele, o se perofeta ta’uta’ua poo Ia ea o le Atua?
1
O Iesu Keriso, e faatatau uma lava i ai nei faamatalaga uma, ma e sili atu foi. O
loo faamautuina e le talaaga Lona soifua mai, ma o le tusi e sili i tusi uma lava – le
Tusi Paia – o loo faamaumauina Lona soifuaga. O ona laupepa o loo faaalia ai mea
uma lava tatou te manaomia ina ia tatou iloa. O Iesu Keriso e tele Ona igoa, o nisi
nei o Ona suafa: O le Tama’i Mamoe a le Atua (Ioane 1:36), O le Faitaulaga Sili
(Eperu 4:14), O le Alefa ma le Omeka (Faaaliga 21:6), O le Areto o le Ola
(Ioane 6:35), Tupu o tupu (1 Timoteo 6:15), O le Perenise o le Filemu, O le Tamā
e faavavau (Isaia 9:6), O lo tatou Faaola (1 Timoteo 2:3), Emanuelu – O le Atua
ma i tatou (Mataio 1:23), O le Papa (1 Korinito 10:4), o le Mesia (Ioane 4:25), O
le Upu (1 Ioane 1:1), O le Leona o le ituaiga o Iuta (Faaaliga 5:5), O le Faatusa o
le Atua (Kolose 1:15, 19).
Ua tatou iloa mai i le Tusi Paia o Iesu o Ia o le “Alo o le Atua” ae o le taimi lava
lea e tasi o Ia foi o le “Atalii o Tavita” – e Atua ae tagata foi (Roma 1:1-4). O
lenei faamatalaga e aumaia ai ia i tatou se ata faigata ona malamalama i ai e faapei
ona faailoa mai e isi Ona igoa e tele. Latou te ta’u mai ia i tatou e faatatau i Lana
amio. Latou te ta’u mai ia i tatou “O Ia o le Atua” – o lo tatou Atua na foafoaina i
tatou, o lo tatou Ta’iala ma lo tatou Fautua, ma o loo faailoa mai ai foi “Na avea o
Ia ma tagata” – O lo tatou Uso, Faaola ma la tatou Uo. Se’i tatou matuā vaavaai
toto’a lava la i nei natura e lua o Keriso.
O
I E S U
O
L E
A T U A
O
I A
O le Feagaiga Tuai ma le Feagaiga Fou, tatou te matuā talitonu moni ai lava o Iesu
o le Atua lea. I le Isaia 9:6 ua aumaia ai ia i tatou se ata o se tamaitiiti faapitoa, ua
faatula’iina mai mo se fuafuaga faapitoa. I le Isaia 43:3, 11, 14, 15 na valoia mai
ai le afio mai o Lē e Paia, peitai o le Galuega 3:14, 15 o loo ripotiina faanoanoa
mai ai na teena o Ia, lē talitonuina ma fasiotia. “Faauta, e o’o mai le aso, ua
fetalai mai ai Ieova, o le a Ou faatupuina ai mo Tavita se Lālā laau amiotonu, o
le a pule foi se Tupu ma manuia, o le a faia foi e Ia le faamasinoga ma le
amiotonu i le lalolagi. O lana nofoaiga o le a faaolaina ai Iuta, o le a nofo foi
Isaraelu ma le saogalemu: o lona suafa foi lenei o le a ta’ua ai o ia, O IEOVA
LA TATOU AMIOTONU.”- Ieremia 23:5, 6. O lenei fuaiupu o loo valoia mai ai
le tupuaga o le a afio mai ai le Tupu ma le Faamasino. E o’o lava i lona nofoaga na
fanau ai ma lona soifua mai i tausaga o le vavau na valoia mai ai foi, “A’o oe,
Peteleema-Efarata, . . . o le a tupu mai ia te oe mo A’u lē o le a fai ma faipule iā
Isaraelu, o lona tupu mai e mai anamuā lea, mai i ona po o le vavau.” – Mika
5:2.
O Iesu Keriso o loo faaigoaina o le Alo/Atalii o le Atua. Ae ui i lea o lo tatou
malamalamaaga e faatatau i le “atalii”, o le fanau mai lea o se tama tane. Peitai o
loo faailoa manino mai lava e le Tusi Paia o le soifua mai o Keriso a’o le’i faia le
lalolagi, e lē’i foafoaina o Ia i lona soifua mai. O loo ta’u mai e Ioane 1:1-3 ia i
tatou, o le “Upu, o le Atua lea” ma “o le Upu o Ia lea na foafoaina mea uma”.
Ona faaalia mai loa lea e le fuaiupu 14 ma le 15 poo ai lenei Upu – o le Alo lea –
“o le Alo e to’atasi lea o le Tamā na Ia fanauina.”
2
O le Kolose 1:15-19 o loo faamatala mai ai le uiga o le faaupuga “Alo e to’atasi o
le Atua na Ia fanauina”. O Iesu, o Ia o le faatusa o le Atua lē mavaaia, o le
“ulumatua lea” poo “le suli lea” o mea ola uma lava na faia auā na Ia foafoaina i
latou uma (fuaiupu 16). O le fanauina, o loo fa’atatau atu lea i le tulaga faapitoa
lava o le alo i le avea o ia ma suli-atoatoa-faapitoa lava, –ma lona
silisiliese
– o le Alii o alii, o le pule sili, o Ia o lē e sili ona taua. E lē o Ia o se mea ola na
foafoaina e le Atua. O Iesu lava Ia na ia fa’ailoa mai o Ia o “O A’U O LĒ OLA”
(Ioane 8:58), o se igoa lea na tuuina mai e le Atua e faatatau ia te Ia lava ia Mose
(Esoto 3:14). O se i’uga la, na “fetagofi ai tagata Iutaia i ma’a e fetogi ai ia te
Ia” (Ioane 8:59), auā o le agasala o le upu leaga na faasalaina i le oti. Latou te lē’i
malamalama i lona tulaga tutusa ma le Atua ma lona soifua faatasi mai ma le Atua.
“O a’u nei ma le Tamā e tasi lava i ma’ua.” Na fetalai mai Iesu o ia ma le Tamā
e tasi lava i la’ua, e tutusa o la natura ma o la uiga. O le Faaola o le lalolagi, e
tutusa ma le Atua. O lana pule e pei lava o le pule a le Atua. Na ia faailoa mai e lē
ese lona soifuaga mai nai lo le Tamā.
A tatou iloa loa le mea moni o Iesu Keriso o ia lea na foafoaina i tatou, e matuā
mautinoa lava e tatau foi ona tatou amanaiaina ma taliaina lona itu Atua. O le
tagata, na faia o ia i le faatusa o le Atua, ma o Iesu foi, “o le uiga faatasi o Ia ma
le Atua, e le’i manatu ai o ia o se mea faoa ina ia tutusa lava o ia ma le Atua: a
ua faamaulalo o ia ia te ia, ua uiga o ia faatasi ma le pologa, na faia foi o ia
faapei o se tagata: Na iloa foi o ia ua tino mai i le tagata, ua faamaulalo e ia ia
te ia, ua na anaana ua o’o ina maliu, o le maliu lea i le satauro.” – Filipi 2:6-8.
I E S U
O
I A
O
S E
T A G A T A
Aisea na avea ai le Alo o le Atua ma Atalii o le Tagata? E faapei ona faaalia i
su’esu’ega ua mavae, o le agasala a le tagata, na manaomia ai le totogiina o se
faasalaga. O le Alo o le Atua, na ia ofoina mai o Ia, o le fuafuaga atoatoa ina ia
faia ai se sui atoatoa, o se sootaga atoatoa ona lelei – na avea le Atua ma tagata – e
lē gata ina ia maliu mo i tatou, a ia ola mo i tatou – o le fuafuaga lenei o le
faaolataga mai i le agasala. Peitai aisea na tauaveina ai e Iesu lo tatou tino tagata?
Aisea na tauaveina ai e Iesu le natura agasala o le tagata? O loo ta’u mai e le
Eperu 2:14-18 ia i tatou, na te le’i tauaveina i luga ia te Ia le natura o agelu ae o lo
tatou natura, ina ia mafai ai ona ia iloa ma manumalo i faaosoosoga o se tagata,
ona mafai ai lea ona ia faaumatiaina mulimuli lava le tiapolo o lē sa i ai le pule o le
oti. Fai mai le Ioane 1:14 “na liu tino le Upu”. O Le na foafoaina mea uma, na
avea o se tagata, ina ia Ia toe faatauina mai ai le tagata pa’ū mai i le agasala ma le
faasalaga o le tulafono ua talepeina.
“O lenei, ina ua i ai i le fanau le tino tagata ola, na faapea foi ona i ai ia te
ia; . . . Auā e moni, na te le’i tauaveina i luga ia te Ia le natura o agelu, peitai na
Ia tauaveina i luga ia te ia le natura o le fanau a Aperaamo. O le mea lea na
tatau ai ina ia avea o ia ‘ia faapei o ona uso i mea uma lava, ina ia faia o ia ma
faitaulaga sili e alofa ma faamaoni i mea a le Atua, ina ia faia e ia se togiola mo
agasala a le nu’u. Auā na tigaina o ia ina o tofotofoina, o le mea lea ua mafai ai
e ia ona fesoasoani i ē ua tofotofoina.” – Eperu 2:14, 16-18.
3
I le manatunatu i le afio mai o Keriso i le tino tagata, tatou te matuā lē
malamalama ai lava i se mealilo lē mafaamatalaina e faigata ona malamalama i ai
le mafaufau faaletagata. O le tele atu o lo tatou manatunatu i lenei mataupu, o le
tele atu foi lea o le tulaga ofoofogia i lona foliga mai. E matuā lautele lava le
eseesega i le va o le itu Atua o Keriso ma le tamaititi leai se faamoemoe i le moega
i Peteleema! E faapefea ona mafai ona tatou fuaina le mamao i le va o le Atua
malosi ma se tamaitiiti leai se faamoemoe? Ma o Lē na foafoaina lalolagi, o Lē sa
ia te ia le tumu atoatoa o le Atua i le tino, na faaalia o Ia i le tamaitiiti faatauvaa i
le moega i le fale o povi. E sili atu ona maualuga nai lo soo se tasi lava o le au
agelu, e tutusa ma le Tamā i le mamalu, ma ofu ai i le tino faaletagata na
tuufaatasia ai i se tulaga lē mafaamatalaina, ma tasi ai le tagata ma le Atua. O le
faatasiga lenei tatou te maua ai le faamoemoe o lo tatou lalolagi pa’ū. O lo tatou
vaavaai atu ia Keriso i lona itu tagata, ua tatou vaai atu ai i le Atua, ma tatou vaaia
ai i totonu ia te ia le pupula o Lona mamalu, o le faatusa lea o Ia.
“O lenei foi, e paia le tulafono, ma le poloaiga, e paia, e tonu, ma lelei.” –
(Roma 7:12). O le tulafono a le Atua, e atoatoa ona lelei e faapei ona atoatoa ona
lelei o Ia. Na fuafua Satani ina ia faaleagaina lenei upu moni. O le mea lea, afai na
auina mai e le Atua Lona lava Alo i le tino agasala, na mafai la e Iesu ona
“faasalaina le agasala i le tino” (Roma 8:3, 4), ma o le a iloa e le vateatea atoa o
le tulafono a le Atua e tonu ma lelei ma e mafai ona tausiaina. O Keriso o ia lea na
avea ma faata’ita’iga atoatoa ona lelei, na ia faailoa mai e ala i lona olaga le auala
e mafai ai e i tatou foi ona ola gaua’i i le loto gatasi ma le Atua.
E faapei lava ona tatau ona tatou talitonu o Iesu o le Atua Ia, e ao foi ona tatou
talitonu o ia foi na avea ma tagata.
O Iesu na avea o ia ma tagata, na ia ola ma iloa o tatou mafatiaga, “peitai na
faaosoosoina o ia i mea uma lava e pei o i tatou, a ua leai se agasala ia te ia”,
(Eperu 4:15). Na su’esu’e Iesu e faapei o oe ma a’u, i le auala e mafai ai ona usitai,
ma le auala e manumalo ai i faaosoosoga. Na tatau ona ia tatalo mo le ta’ita’iga
ma le fesoasoani.
Peitai – tatou te fai mai – “O Iesu o le Atua Ia”, “Na usitai lava ia i taimi uma”, “E
lē agasala le Atua”. E moni, i lona itu Atua na lē mafai ona agasala o ia, peitai e
lē’i faaaogaina e Iesu i soo se taimi lava lona lava mana faaleAtua ina ia
manumalo ai i le agasala. Na ia tuueseina lona itu Atua, lea na mafai ai ona i ai o
ia i le natura na mafai ona agasala ma ona faaosoosoga uma lava. Peitai o le itu
tagata o Keriso, na taofi mau atu i le itu Atua o lona Tamā.
“. . . a’o Ia na fetalai mai ia te ia, O Lo’u atalii oe, ua ou fanaua oe i le aso nei.
O ia lenei sa tatalo atu i ona po sa tino tagata mai ai, ma aioi atu ma le tagi tele
ma loimata i Lē na mafaia ona faaola ia te ia nai le oti, na faafofogaina foi o ia
i le mea na ia fefe ai; E ui lava ona o ia o le Alo, a’o mea sa tiga ai o ia na
a’oa’oina ai o ia ia usiusita’i; Ua fa’aatoatoaina o ia, ona avea ai lea o ia ma
tupuga o le faaolataga e faavavau ia i latou uma o ē usiusitai ia te ia” – Eperu
5:5, 7-9.
4
O lona faatuatua na aapa atu i le Tamā. Na ia ola ma soifua i le olaga e tatau ona
tatou ola ai. Na faia o ia ma o tatou fa’aa’oa’o atoatoa ona lelei. O le auga lea o
lana galuega faalelagi na ala ai ona ia afio mai – ina ia Ia ola e faapei o se tagata i
le laueleele o loo pule ai Satani, peitai o lona faalagolago atu i le mana o le Atua,
na ia tula’i manumalo mai ai.
O Lona aao faaletagata na siomia ai e Keriso le aigā tagata, a’o lona mana
faaleAtua, na ia taofimauina ai le nofoalii o le Atua soifua e faavavau, tuufaatasia
ai le tagata-e-oti ma le Atua e soifua e faavavau. Na ia faia le sootaga i le lua tele
lava na faia e le agasala, ma fesootaia atu ai le lalolagi i le lagi. I lona natura
faaletagata na ia faatumauina ai le mamā o lona natura faalelagi. E faapei ona
faailoa mai e se tasi o tagata su’esu’e o le Tusi Paia, “Na ia faaofuina Lona itu
Atua i le tino tagata”. Na faailoa mai e Iesu ia i tatou e ala i lona olaga, e mafai
foi e i tatou i o tatou tino tagata ona tatou manumalo ma faatoilalo i le tiapolo e ala
i le mana ma le alofa tunoa ua ofo mai e le Atua e ala mai i Lona Alo. Na faapena
ona faailoa mai e Iesu ia i tatou, e ala i le avea o ia ma tagata, le ala e mafai ai ona
tatou ola manumalo i le agasala e faapei o atalii ma afafine o le Atua.
O le tauaveina o lo tatou natura, ua fusia ai le Faaola i le aigā tagata i se fusi e lē
mafai ona toe motusia. E o’o lava i tausaga faavavau o le olaga, ua fesootaia ai
lava o ia ma i tatou. “Ua faapea lava ona alofa mai o le Atua i le lalolagi, ua Ia
foa’i mai ai Lona Alo e to’atasi na fanaua e Ia, . . .” Ioane 3:16. Na Ia foa’iina
mai o ia e lē gata ina ia ona tauaveina a tatou agasala, ma ia maliu e avea ma a
tatou taulaga; ae na Ia foa’iina mai foi o ia i le aigā tagata pa’ū. O le faamausaliina
mai ia i tatou o Lana fuafuaga-o-le-filemu o le faaolataga lē ma-liliu, na foa’i mai
ai e le Atua Lona lava Alo e toatasi ina ia avea ma se tasi o le aigā tagata, ina ia
ona tauaveina e faavavau Lona natura faaletagata. O le ta’utinoga lenei e faailoa
mai ai o le a faataunuuina e le Atua Lana upu. “Ua fanau mai mo i tatou se tama,
ua foa’iina mai mo i tatou se atalii: o le a i lona ua le malō:…” – Isaia 9:6. Ua
tauaveina e le Atua le natura faaletagata e ala i Lona Alo, ma ua ia aveina atu le
tino lava lea i le lagi e silisili ona maualuga.
Ia tatou liliu atu i taimi uma i le Alii o Iesu Keriso lo tatou puluvaga, ma tatala atu
o tatou loto ia te Ia i le tatalo. O Ia o se fautua moni faamaoni e matuā mafaia lava
ona ole atu mo i tatou i luma o le Tamā. O le a ē taliaina ea Lana valaaulia?
Lomia e le: Upu Moni Mo Le Taimi Lenei
PO Box 6458 Apia WESTERN SAMOA
5
O NATURA E LUA O IESU KERISO
Atua Atoatoa – Tagata Atoatoa
1.
O ai lo tatou sootaga ma le lagi? (Vase lalo o le tali sa’o)
a) o le telefoni
e) Iesu Keriso
i)
Tatalo
2.
Tusi laina ina ia fesootai ai mau nei ma o latou fuaiupu:
1 Timoteo 6:15
“…O A’u o le Alefa ma le Omeka, o le amataga
ma le gataaga…”
1 Ioane 1:1
“… o Ia o le Alii paia ma le Pule e to’atasi, o le
Tupu o tupu, ma le Alii o alii”
Faaaliga 21:6“O le mea sa i ai talu le amataga, na matou faalogologo i ai,
na matou vaavaai atu i ai o matou mata, na matou atamata i ai, na tagotago foi o
matou lima i le Upu o le ola”
3.
4.
5.
Aumai ni mau se lua ma ni mafuaaga e mafai ai ona tatou
mautinoa o Iesu o Ia foi o le Atua. (E tele atu nai lo le lua mau!)
i) _______________________________________________ ii)
_______________________________________________
O upu ia ‘fanaua mai e Ia’ ma le ‘ulumatua’, o le a lona uiga i
faamatalaga o loo mulimuli mai? (Vase lalo o le tali sa’o).
a)
foafoaina
e) O le Alo
i)
o le tulaga o le Alo i le avea o ia ma suli-atoatoa-faapitoa lava, ma
lona silisiliese, o Ia o le pule, o le Alii.
Tusi le sa’o poo le sese i tafatafa o nei faaupuga e faatatau i le
natura o Iesu.
..... Ona o Iesu o Ia o le Atua, e le’i mafai ona Ia agasala.
..... Na faaosoosoina Iesu, e leai la se mea o le a tofotofoina ai fua i
tatou. .....
..... E le’i mafai ona avea Iesu ma faataitaiga ona sa fa’aatoatoaina o Ia.
..... Na faia Iesu e faapei o se tasi o i tatou ma sa tofotofoina o ia i mea
uma lava e faapei o i tatou, ina ia mafai ai ona avea o ia ma o tatou
fa’aa’oa’o.
..... Na faia Iesu e faapei o se agelu.
..... O Iesu na tupuga mai ia Aperaamo.
6
6.
Fa’auma le fuaiupu lenei o le Tusi Paia:
“O le mea lea ua tatau ai ina ia faia o ia ia _______ o ona _______ i
mea _______ lava, ina ia faia o ia ma _________ sili e _______ ma
_______ i
mea a le Atua, ina ia faia e ia se _______ mo
_______ a
le nuu.”
7.
O le a le manatunatuga sili ona faamafanafana mai a’o ē
iloaina le natura moni o Iesu ma lona olaga?
_____________________________________________
_____________________________________________
______________________________________________
Auala & Numera ________________________
Nuu/Taulaga/Aai ________________________
Setete _________Numera Itumalō ________
Atunuu _______________________________
Faamolemole faafo’i lenei Ta’iala Toe Iloiloina i le Tuatusi lenei:
SU’ESU’EGA FETUSIA’I o le UPU MONI MO LE TAIMI LENEI
P O Box 6458, Apia, Western Samoa
TA’IALA TOE ILOILOINA - LESONA 11
7