13. O Le Faailoga A Le Atua Soifua

Lesona 13
O LE FAAILOGA A LE ATUA SOIFUA
I Initia, e toatele tagata e i ai faailoga uiga ese i o latou muaulu, ma o nisi o
ia faailoga e i o latou foliga. O nei faailoga e eseese uma o latou foliga ma o
latou lapopo’a. O nei faailoga ta’itasi uma o loo faailoa mai ai atua eseese o
Initia lea o loo ifo atu i ai i latou o loo tauaveina nei faailoga.
O le Atua moni, e i ai foi Lana faailoga o loo iloa ai o Ia ma Ona tagata. O
Lana faailoga e matuā manino lava ma ese mai i faailoga uma, ma o i latou
uma lava o loo faailogaina ai i lenei faailoga ua matuā iloa manino lava i
latou. O lenei faailoga, e lē o se faailoga tusia i soo se vaega o le tino poo
ofu foi, e lē o se faailoga faapitoa foi e faailoaina mai i luga o se fu’a. O le
faailoga lenei, e matuā sili atu ona tumau nai lo faailoga e faia i mea
faaletino o le olaga nei. E tumau e faavavau ma e lē mafai ona faaumatiaina.
O le a lenei faailoga?
O LE FA’AILOGA A LO TATOU ATUA
“Ia outou faapaiaina foi o’u sapati; e fai foi ia ma faailoga ia te a’u ma
outou, ia iloa ai e outou, o a’u lava o Ieova lo outou Atua.” – Esekielu
20:20.
O le Sapati o le Atua, o le faailoga lea i le va o Ia ma Ona tagata. O le
faailoga lea o le usitai, lea e faailoa mai ai e tane ma fafine le usitai i le Atua
na foafoaina mea uma ma faailoa atu ai i le lalolagi o Ia o lo latou Atua.
Ina ua mae’a le galuega o le foafoaga, na fetalai mai le Atua Foafoa ua
“matuā lelei” lava. O le foafoaga o se faatinoga lea e matuā lē mafai lava e
se isi lava o loo i ai le ola, ona faataunuuina. O le foafoaga o le faatinoina
mai lea o le mana malosi o le Atua. O le foafoaga na faatuina ai le faasologa
o aso o le vaiaso, le foafoaga lea na faamanatuina i le Sapati o vaiaso taitasi,
e avea o se faailoga e faavavau o Lona mana silisiliese e foafoa ai mea uma.
“Na faapena ona faaumaina le foafoaina o le lagi ma le lalolagi, atoa ma
mea uma o loo i ai. Na faamuta foi e le Atua i le Aso lona fitu Lana
galuega na faia e ia; ona Ia malolo lea i le Aso lona fitu mai i Lana
galuega uma lava na Ia faia. Ona faamanuia lea e le Atua i le Aso lona
fitu, ma na faapaiaina ai, auā na Ia malolo ai mai i Lana galuega uma
lava na faia ma foafoaina e le Atua.” – Kenese 2:1-3.
1
Faaliliuina: P. W
O le lua afe lima selau tausaga mulimuli ane na toe faaalia ai foi e le Alii
Lona mana malosi i le faia o se galuega e lē mafai ona faia e se isi lava atua.
O le lavea’iga o Lona malō filifilia e ala i vavega, mai i le nofo pologa i lalo
o le puleaga a tagata Aikupito (le malō sili ona malosi i lena taimi). O Lona
mana tele lava na faatinoina mai i mala e sefulu na pa’ū ifo i luga o tagata
Aikupito faamaualuluga, ma na toe faailoaina mai foi ina ua sopoia atu le
nuu o Isaraelu i le eleele matutū i le Sami Ulaula. E le’i leva mulimuli ane,
na Ia toe faatonu mai ia i latou le tiute o le tausia faapaiaina o le Sapati, le
faailoga lea o la latou feagaiga ma Ia.
“Ia ē tausi le aso sapati ina ia faapaiaina; faapei ona poloai mai ai o
Ieova lou Atua ia te oe. O aso e ono e te galue ai, ma fai ai au galuega
uma lava; a’o le aso fitu o le sapati lea ia Ieova lou Atua; aua e te fai ai se
galuega e tasi, o oe, ma lou atalii, ma lou afafine, o lau auauna tane, ma
lau auauna fafine, ma lau povi, ma lau asini, poo se tasi o au manu, ma le
tagata ese o loo mau ma oe, ina ia malolo o lau auauna tane, ma lau
auauna fafine pei o oe lava. Ia e manatua foi, na fai oe ma auauna i le
nuu o Aikupito, a ua aumaia oe e Ieova lou Atua ai lea mea i le aao
malosi ma le aao faaloaloa; o le mea lea ua poloa’i mai ai Ieova lou Atua
ia te oe e te tausia le aso sapati.” – Teuteronome 5:12-15.
O le Sapati, o le faailoga foi lea o le mana o le Atua e faapaiaina ai: “Ua
fetalai mai foi Ieova ia Mose ua faapea mai, Ia e fai atu i le fanauga a
Isaraelu, ia faapea atu i ai, Tou te tausi lava i o’u sapati, auā o le faailoga
lea ia te a’u ma outou, e o’o i a outou tupulaga amuli, ina ia iloa ai, o a’u
nei o Ieova, o Lē faapaiaina outou.” – Esoto 31:12, 13.
O LE FAAILOGA O LE MANA O IESU
O Iesu na foafoaina le lagi ma le lalolagi. O lenei mea moni o loo faamatala
manino mai lava e le aposetolo o Paulo: “O ia na ia lavea’i mai ia i tatou
nai le pule a le pouliuli, a ua na aumaia i tatou i le malō o lona lava Alo
pele: O Ia ua tatou maua ai le togiola i lona toto, o le faamagaloina lea o
agasala; O Ia lea o le faatusa o le Atua lē vaaia, o le ulumatua o mea uma
lava ua faia; Auā na faia e Ia o mea uma lava, o mea i le lagi ma mea i le
lalolagi, o mea o vaaia ma mea e lē o vaaia, o nofoalii, ma alii, ma alii sili,
ma faipule; na faia e ia mea uma lava, na faia foi mo Ia; Sa i ai foi o Ia
a’o le’i i ai mea uma, o loo faatumauina foi mea uma lava ia te Ia.” –
Kolose 1:13-17.
“O le Atua, o lē na fetalai mai anamua i o tatou tamā e ala mai i le au
perofeta, na auaua’i mai i auala eseese, ua fetalai mai o Ia ia i tatou i nei
ona aso e gata ai e lona Alo, o le ua tofia e Ia e fai mea uma lava mona
tofi, o ia foi na faia ai e Ia lalolagi;” – Eperu 1:1, 2.
2
Faaliliuina: P. W
“Sa i le amataga le Upu, sa i le Atua le Upu, o le Atua foi le Upu. O ia
lava sa i le Atua i le amataga. Na ia faia mea uma lava; e leai foi se mea e
tasi na faia e le’i faia e ia. Na liu tino tagata le Upu, sa mau foi o ia ma i
tatou, (na matou matamata i lona mamalu; o le mamalu lava lea o le Alo e
toatasi o le Tamā,) ua tumu o ia i le alofa tunoa ma le faamaoni.” – Ioane
1:1-3, 14.
O Iesu Keriso, le Alo o le Atua ma le Faaola o le tagata, o Ia lea na
foafoaina mea uma. Talu ai ona sa foa’iina mai le Sapati e avea ma faailoga
a Lē na foafoaina mea uma, o le Sapati la, o le faailoga lea a Keriso. Na
foa’i mai le Sapati i le tagata ina ia avea ma faamanatuga i taimi uma lava ia
iloa ai, o Ia o Lē na foafoaina mea uma, o Ia foi o lo tatou Faaola (o loo ia te
Ia le mana e lavea’i ai). Na Ia fetalai mai: “Lenei la, o le Atalii o le tagata o
le Alii lava ia o le Sapati.” – Mareko 2:28.
O ANAFEA NA TUUINA MAI AI LE SAPATI?
O le Sapati o loo masani lava ona a’oa’oina, e faapea, e mo na o tagata
Iutaia, auā o le poloaiga tusia ina ia tausia le Sapati, na ulua’i tuuina atu ia
Isaraelu i luga o le Mauga o Sinai. Peitai sa leva ona i ai muamua le Sapati
a’o le’i i ai ni tagata Iutaia. Ana faapea e lē’i i ai muamua le Sapati, semanu
e lē amataina i le upu “Manatua…” (Esoto 20:8) le poloaiga na tuuina atu
ina ia tausi faapaiaina le Sapati. O le manatuaina o le Sapati, o le
faamanatuina lea o le Sapati. Na faatonuina atu i tagata Isaraelu ina ia latou
manatua le foafoaga, ae lē o lo latou lavea’iga mai i Aikupito.
O le Sapati na tuuina mai i le aigā tagata i le aso lona fitu o le vaiaso o le
Foafoaga.
I le “Kenese 2:2, 3 tatou te faitauina ai le faamanuiaga faapitoa lea na tuuina
i le Sapati. Ua tatou iloa ai:
a)
e)
i)
na Malolo le Alii i le aso Lona fitu.
Faamanuia i le aso Lona fitu.
na Ia faapaiaina le aso Lona fitu.
O le faapaiaina o lona uiga, o le vavae ese lea mo le faaaogaina faapaiaina.
O le Sapati o se aso faapitoa lava, e lē na o se vaega lona fitu o le taimi,
peitai “o le aso lona fitu lea”. O le Sapati o se faatulagaga paia lea e lē
mafai ona siitiaina atu mai i le tasi aso i se isi aso. O le Sapati o le aso
mausali lona fitu lea o le vaiaso.
3
Faaliliuina: P. W
E lē o se masaniga o se faatinoga faavae po’o se sauniga faatuina lea na
faapaia e le Alii, peita’i, na ia faapaiaina le aso. O lea la, afai e vavaeeseina
le aso lona fitu mai i le Sapati, o lona uiga, ua faaumatiaina le Sapati.
O LE FAAILOGA O LE FAAOLATAGA MA LE
FAAPAIAINA
O le mana lava lea e tasi o Keriso e faapei ona faaalia i le ulua’i Foafoaga, o
loo fa’aalia foi i Lona mana e lavea’i ai tagata mai i le agasala. O le
Faaolataga o le toe-foafoaina lea. O le natura tuai, agasala, faaletino, ua oti,
ma ua foafoaina se loto fou: “O lenei, afai o ia Keriso se tasi, o le tagata
fou ia; ua mavae mea tuai, faauta, ua faafouina mea uma.” – 2 Korinito
5:17.
“Ou te avatu foi ia te outou le loto fou, ma ou tuu i totonu ia te outou le
agaga fou; ou te aveesea le loto ma’a’a ai o outou tino, ma ou avatu ia te
outou le loto aano. Ou te tuuina atu lo’u Agaga i totonu ia te outou, tou te
savavali ai i a’u tulafono, tou te anaana foi i a’u faamasinoga, ma outou
faia.” – Esekielu 36:26, 27.
E leai lava se isi malosi i le vateatea atoa e mafai ona faia lenei tulaga, e lē
mafai ona tatou faaliliuina i tatou lava, e leai ma se tasi e mafai ona ia faia–
seivagana ai Keriso.
“O le mea foi lea e mafai ai e Ia ona faaola pea lava i ē faalatalata atu i le
Atua ona o ia, auā o loo soifua pea ia e fautua mo i latou.” – Eperu 7:25.
O le Alii lava Ia na Ia faailoa mai e ala mai i le perofeta o Esekielu: “Na ou
avatu foi ia te i latou o’u sapati, e fai ma faailoga ia te a’u ma i latou, ia
latou iloa ai o a’u o Ieova lē e faapaiaina i latou.” “Ia outou faapaiaina
foi o’u sapati; e fai foi ia ma faailoga ia te a’u ma outou, ia iloa ai e
outou, o a’u lava o Ieova lo outou Atua.” – Esekielu 20:12, 20.
O iinei o loo faailoa mai ai, o le Sapati, o le faailoga lea o Lona mana e
faapaiaina ai. Soo se mea lava e faaalia ai le mana o le Atua, poo galuega o
le foafoaga, faaolataga poo le faapaiaina, o iina tatou te maua ai le Sapati o
loo avea ma ona faailoga. O le umi lava la e tumau ai le mana o le Atua, o le
a tumau ai foi le Sapati e avea ma Ona faailoga.
O LE FEA ASO O LE ASO LEA O LE ALII?
Talu ai ona o Keriso na faatuina le Sapati ma na Ia faatonuina Ona tagata ina
ia latou tausia le Sapati e avea o se faailoga i le va o Ia ma i latou, e lē o se
mea la e ofo ai, o Keriso lava Ia, i le avea o Ia ma tagata i le fogaeleele lenei,
na Ia tausia faapaiaina foi le Sapati: “Na o’o foi o ia i Nasareta, na tupu ai
4
Faaliliuina: P. W
o Ia, ona ulufale lea o ia i le sunako i le aso sapati, o lana masani lea; na
tu i luga foi e faitau.” – Luka 4:16.
I le avea o Ia ma tagata tausi-Sapati, o Lana masani Lona alu atu i le sunako
i lena aso. Mulimuli ane, a’o valoia mai e Iesu le faaumatiaina o Ierusalema
e le au tau a Roma ma lapata’i atu i Ona tagata ina ia latou sosola ese mai i
le aai faamalaiaina, na Ia toe fetalai atu: “A ia outou tatalo ina ne’i outou
sosola i le tausaga maalili, poo le sapati.” – Mathew 24:20.
Na faato’a taunuu la le valoaga lenei i le tausaga e 70 TA. O lea na faailoa
mai ai e Iesu na Ia silafiaina le faaauauina o le paia o le Sapati ma na Ia
finagalo ina ia lē faaitiitia lenei paia o le Sapati pe a mavae Lona maliu, o
Lona toe soifua mai, poo Lona afio a’e i le lagi.
Ina ua Ia fetalai atu i le au Faresaio i se tasi aso, na faailoa atu e Iesu: “Ua Ia
fetalai atu foi ia te i latou, Na faia le Sapati mo le tagata, ae e le’i faia le
tagata mo le Sapati: Lenei la, o le Atalii o le tagata, o le Alii lava ia o le
sapati.” – Mareko 2:27, 28.
Afai la o le atalii o le tagata o le Alii ia o le Sapati, o le Sapati la, e tatau foi
ona avea ma “aso o le Alii”. O loo ioe Isaia i lo tatou manatu: “Afai e te liliu
ese lou vae i le sapati, mai i le faia o lou fiafia i lo’u aso paia; ma ē ta’ua
le sapati o se aso fiafia, o le aso paia o Ieova, e mamalu; ma o le a ē
faamamalu i ai, o loo ē lē faia ai au lava amio, o loo lē maua ai foi lou
lava fiafia, ma ē lē tautala ai i au lava upu: Ona ē fiafia lava lea iā Ieova,
o le a Ou faatietie ane foi ia te oe i luga o mea maualuluga o le lalolagi,
ou te fafaga foi ia te oe i le tofi o Iakopo lou tamā; auā ua fetalai mai ai le
fofoga o Ieova.” – Isaia 58:13, 14.
E FAAPEFEA ONA TATAU ONA TAUSIAINA LE SAPATI?
Mai i le faamaumauga a le Tusi Paia, o loo faailoa mai ai, o le aso e amata
ma muta i le goto o le la. O loo vaaia manino lava lenei upu moni i le
faamaumauga o le foafoaga i le mataupu muamua o le tusi o Kenese. Ina ua
mae’a aso taitasi o le foafoaga o loo faailoa mai ai, o le “afiafi ma le taeao”
na fausia ai le aso atoa. I se isi faamatalaga: o le vaega pogisa na muamua i
le vaega malamalama o le aso. O se vaevaega fetaui faalenatura lea o le
taimi. E o’o foi la i le Sapati o le vaevaega lava e tasi: “…e amata mai i le
afiafi e o’o lava i le tasi afiafi, tou te faailogaina ai lo outou sapati.” –
Levitiko 23:32 (vaega mulimuli).
O i tatou foi, ua faapena ona faatonuina ina ia tatou amataina le Sapati i le
goto o le la i le aso lona ono o le vaiaso, ma faamutaina i le goto o le la i le
Aso lona fitu.
5
Faaliliuina: P. W
Na faatonu e le Alii Ona tagata (o Isaraelu) ina ia ofoina atu taulaga o le
taeao ma le afiafi. Na faapena ona faapotopoto aiga taitasi ina ia tapua’i i le
Atua i taeao ma afiafi taitasi. E faapena foi ona faapotopoto faatasi
Kerisiano tausi-Sapati i aso taitasi mo le tapua’iga i le taeao ma le afiafi,
aemaise ai lava le amataga ma le i’uga o le Sapati paia i le itula e goto ai le
la.
Ua faatonuina i tatou ina ia faia a tatou galuega uma lava i aso galue e ono,
a’o faapena ona tuuina atu atoa lava le Sapati mo le suesuega o le Upu a le
Atua ma galuega ofoofogia o le foafoaga ma tapuaiga.
“O aso e ono e te galue ai, ma fai ai au galuega uma lava; A’o le aso lona
fitu o le Sapati lea o Ieova lou Atua: aua e te fai ai se galuega e tasi, o oe,
poo lou atalii, poo lou afafine, o lau auauna tane, poo lau auauna fafine,
o lau manu foi, poo le tagata ese o loo mau ma oe.” – Esoto 20:9, 10.
E tāua tele foi le maitau mai, o le saunia o meaai, na faatonuina foi ina ia aua
ne’i faia i le Sapati. O lenei galuega na faatonuina ina ia faia i le aso lona
ono, lea sa faaigoaina o le “aso o le sauniuniga” (Mareko 15:42). O lenei
lesona na a’oa’oina i le fanauga a Isaraelu e ala i se vavega faapitoa lava: Ina
ua mavae ona ta’ita’ieseina i latou mai i Aikupito, ona foa’i mai lea e Ieova
ia i latou le meaai mo tausaga e 40 a’o latou i ai i le vao. I ulua’i aso e lima o
le vaiaso, sa i ai le manai i luga o le eleele i taeao taitasi. Afai na latou
faaputuina le manai e sili atu lona tele mo le aso na soso’o ai, na mafu ma
elosia. Peitai i le taeao o le aso lona ono, na pa’ū mai ai se vaega faaluaina o
le manai ma na tumau lona lelei seivagana ua mavae le sapati.
“Ua o’o foi i le aso lona ono, ona latou faaputu ai lea e lua mai a latou
mea e ‘ai, e ta’ilua omera mā le tagata e toatasi; i le ua o ane ai o matai
uma o le faapotopotoga, ma faaali atu ai ia Mose. Ona fai atu lea o ia ia te
i latou, O le mea lava lenei ua fetalai mai ai Ieova, O le aso taeao o le
malologa lea o le sapati paia ia Ieova; o mea tou te fia tao, ina tao ia, o
mea foi tou te fia sakaina, ina saka ia; o mea uma foi ua toe ia outou tuu
lea mā outou, ma teu ai seia taeao. Ua latou tuua foi i le taeao, pei ona
poloai mai ai o Mose; ae le’i elosia lava, e leai lava se ilo o i ai. Ona fai
atu lea o Mose, Tou te aai lea i le asō, auā o le sapati le aso nei ia Ieova,
tou te lē maua se mea i le vao i le asō. O aso e ono tou te faaputu ai, a’o le
aso lona fitu, o le sapati lea, e lē i ai se mea. Ona o’o lea i le aso lona fitu,
ua o ane ai nisi tagata latou te faaputu, ae le’i maua se mea e i latou.” –
Esoto 16:22-27.
O Kerisiano moni, e tatau foi ona latou saunia a latou meaai mo le Sapati i le
aso Faraile.
6
Faaliliuina: P. W
Na a’oa’o mai Iesu e tasi le ituaiga galuega e mafai ona faia i le Sapati. Na
ia faailoa mai lea ituaiga galuega i galuega o le alofa, tausiaina o ē mama’i,
ma le lavea’iga o le ola o tagata ma manu.
I le Sapati, e lē tatau ona tatou tautala e faatatau i a tatou galuega e fai i aso
taitasi, aua foi le faatagaina o tatou manatunatuga e manatunatu ai i mea
tatou te naunau i ai i tatou lava. O le Sapati, e lē o se aso lea e tatau ona
fa’aaluina i sailiiliga fiafiaga, auā o le aso atoa lava e tatau ona tuuina atu
atoa i le Alii. O le fiafiaga lea o i latou uma lava e alolofa i le Alii. “…o loo
ē lē faia ai au lava amio…” – Isaia 58:13.
E faapei ona tumau e faavavau Ieova, e faapena foi Lona Sapati. I le lagi ma
le lalolagi faafouina, o le au faaolaina, faatasi ma agelu ma meaola e le’i
pa’u’ū o isi lalolagi, o le a latou o mai faatasi i le Sapati e ifo atu i lo latou
Atua na foafoaina i latou.
“O lea masina faato’a vaaia ma lea masina faato’a vaaia, o lea sapati ma
lea sapati e o mai ai tagata uma lava e ifo mai i o’u luma, ua fetalai mai ai
Ieova.” – Isaia 66:23.
La’u uo pelē, O le a ē lē taliaina ea le poloaiga a le Atua ma tausia
faapaiaina Lona aso Sapati? Ia ē faatasi atu loa i tagata o le Atua a’o latou
tapua’i i aso Sapati taitasi.
Lomia e le: Upu Moni Mo Le Taimi Lenei
PO Box 6458 Apia WESTERN SAMOA
7
Faaliliuina: P. W
O LE FAAILOGA A LE ATUA SOIFUA
1.
O a mea e fa’aaoga i ai faailoga, ma e faapefea ona fa’aaoga
e le Atua le Sapati e avea ma Ana faailoga?
________________________________________________________
________________________________________________________
________________________________________________________
2. Sa’o poo le Sese. (Tusi le Sa’o poo le Sese).
..... Ina ua mae’a ona foafoaina e le Atua le lalolagi, na Ia manaomia
loa sana malologa.
..... O le vaiaso na foafoaina ina ua foafoaina le lalolagi.
..... E lē tatau ona tatou galulue i aso e fitu.
..... Ina ua avea tagata o le Atua o ni pologa i Aikupito, na tausia pea e
i latou uma Lona Sapati.
3.
Tusi le upu e lē o i ai i le mau lea o le Ioane 1:1-3.
“Sa i le __________ le Upu, sa i le Atua le ________, o le
__________
foi le Upu. O ia lava sa i le ___________
____ ____ _____________.
Na ____ faia mea uma
lava;…”
4.
O le tausiaina o le Sapati o le Atua, o se faailoga lea o le
mana o le Atua e faapaiaina ai. Ta’u mai ni mau se lua o le
Tusi Paia e faamaonia ai lenei manatu.
i) _______________________________________________________
ii)
_______________________________________________________
5.
O le a le uiga o le faapaiaina?
________________________________________________________
________________________________________________________
________________________________________________________
6. Togi  le fuaiupu sa’o.
..... Na fetalai mai le Atua, ina ia galue i soo se aso lava e atoa i
ai
le ono o aso, ona malolo ai lea, auâ o soo se aso
lava atonu o
Lona Sapati lea.
..... O le faaolataga o le vavaeese lea mai i le agasala, ma le toe fanau
o se tagata fou i totonu ia Keriso.
8
Faaliliuina: P. W
..... Ua fa’aaoga e le Atua le Sapati e avea o se faailoga o Lona mana
e faapaiaina ai.
..... E lē tatau ona tatou faia se mea e tasi i le Sapati o le Atua, ae na o
le moe lava.
..... O le Sapati o le Atua e amata i le goto o le la i le afiafi o le aso
Faraile.
7.
Faamatala pe aisea:
i) O loo faailoa mai ai i le Mataio 24:20 e lēi suia e Iesu le aso Sapati.
________________________________________________________
________________________________________________________
ii) Na foa’i mai ai e le Atua le faaluaina o le tele o le manai i le
aso lona ono.
_________________________________________________
__________________________________________________
8.
Aumai se mau e faailoa mai ai o le a tumau e faavavau le
Sapati ma aisea foi?
__________________________________________________
__________________________________________________
Auala & Numera ______________________
Nuu/Taulaga/Aai ______________________
Setete _______ Numera Itumalō ________
Atunuu _____________________________
Faamolemole faafo’i lenei Ta’iala Toe Iloiloina i le Tuatusi lenei:
SU’ESU’EGA FETUSIA’I o le UPU MONI MO LE TAIMI LENEI
P O Box 6458, Apia, Western Samoa
TA’IALA TOE ILOILOINA - LESONA 13
9
Faaliliuina: P. W